Auf'm Åbstellgleis

Er håt so viel Bilder im Kopf
Hört des Kinderlåcha no, als wenn's iatz gråd war
Spürt, wia s'Leba aus seim Herz tropft
Ålles ruckt so weit weg und ålles wird so laar

Besuchszeit
des Wort gilt leider nur für die Åndara
Er luagt vo weit weck zua

Auf'm Åbstellgleis
Wer numma mitspielt, der wird ausrangiert
Es wird verschoba, bis koaner mehr im Weg steaht

Auf'm Åbstellgleis
Wer sich it opasst, der wird abserviert
Er isch a Hindernis, dem ma aus'm Weg geaht

Ma schiabt sie auf d'Seita, bis ma sie vergisst
Menscha, dia koaner vermisst! Mmh

Schlåfa auf'm Zeitungspapier
trouma vo da Zeita, wo er gånz oba wår
Plötzlich wår er z'långsam dafür
Alkohol und Scheidung und Schulda und er wår alloa

Familie
des Wort gilt leider nur für die Åndara
Ihna geaht's guat ohne ihn

Då wår amål a Chance
a Troum, dass ålles guat geaht und dass ma gwinnt
Zurück geit's leider koas
wenn ma unter die Räder vom Leba kinnt

Und wenn dei Kråft amål versågt
und dei Talent isch it numma gfrågt
Kånnsch es du sei, der dia Kurva numma kriagt
kånnsch es murga jå scho du sei
der då aus der Kurva fliagt