Caro renato

Caro Renato,
n'ata fenesta a Napule se nchiuse
te ne sì ghiut'ajerì all'improvviso
a Dio nun ll'e vuluto fa aspettà.

Caro Renato,
nu sacc e cose ce rimast'e te
e so ricorde fatte sul'e musica
'e te nun ce putimme maie scurdà.
sti note parlano pare che chiagnene
se ne so accorte ca nun staie sunnanno tu.

E mo staie llà, staje cammenanno nzieme cu Totò
tutt'elegante stev'a t'aspettà
pecchè stev arrivanno mparadivo
natu piezzo 'da città
e mo staie llà, stanno sunanno ll'angele cu tte
'nanz'a nu pianoforte ncopp'e nuvole
e pure Dio te vo sentì e cantà.
Io stongo ccà, parlann'e te
tu ca staie llà salutame a mammà