Leever en mösch en dr hand

1.
Als Panz wullt ich immer e Rennauto han
eins dat esu richtig fahre kann!
ich dröumte vun nem Lenkrad un jet Leech för de Naach
aan en Brems han ich domols noch nit jedaach
ich kräht bloß e Rädche - dat wor och janz schön flöck
domet ben ich dann stolz durch et Veedel jejöck!

Refrain:
Leever en Mösch en dr Hand als en Duuv op demm Daach
winnijer es off mieh mer jläuv et koum!
Leever en Mösch en dr Hand als en Duuv op demm Daach
denn et Levve es off schöner als ne Droum!
2.
Rich wullt ich sin un Jeld han wie Heu!
Schnelle, schwere Ware, schick un immer neu.
Wenn ich eimol em Lotto der Jlöcklich wör,
hätt ich ne Ferrari met enem eijene Schofför.
Schofför ben ich hück selver un fahre des Naachs,
zofridde durch ming Stadt in ner eijenen Tax.
Refrain:
Leever en Mösch en dr Hand als en Duuv op demm Daach
winnijer es off mieh mer jläuv et koum!
Leever en Mösch en dr Hand als en Duuv op demm Daach
denn et Levve es off schöner als ne Droum!
3.
Och Du mieh Hätz häss jedräumpt vun nem Märchenprinz als Mann,
Su ne schöne und unheimlich rich.
Doch Jeld es nit alles - hey, luur mich aan,
der Prinz es jekumme, doför ich!
Refrain:
Leever en Mösch en dr Hand als en Duuv op demm Daach
winnijer es off mieh mer jläuv et koum!
Leever en Mösch en dr Hand als en Duuv op demm Daach
denn et Levve es off schöner als ne Droum!