U pastore di ghisoni

Per rompe a Santa Pace
Di a notte di Natale
Dicembre avia sceltu
È prima ora vesperale
Di fé move é l'ispensata
Un funestu timpurale

Fraiu di tonu è timpesta
Ne suffria la cuntrata
Nu la piana é Cumineddu
Da la neve accampata
C'era una banda di capre
È la morte cundannata

È spicciera u pastore
Corse ver di l'altra serra
Da le borghe risunava
U rughju di a fiumara
Quandu chjama lu destinu
Ôn c'hè forza chì u para

U duvere per la manu
U s'hé presu l'hé purtatu
Fin'é la so bandarella
Mezu é ella hè cascatu
Prima di francé la verga
È u puntu signalatu

U pastore si muria
È l'eternu si n'andava
A banda di e so capre
In chjerchju lu ricaldava
Nu la notte negra è bianca
A parca s'incaminava

Mezu é le so caprarelle
Si n'hè mortu un gran pastore
S'hè spentu quandu nascia
U Bambinu redentore
Ci aghju vistu cum'un cennu
D'una manu superiore