Tammurriata nera

Io nun capisco ‘e vvote che succede
E chello ca se vede
Nun se crede! Nun se crede!

E' nato ‘nu criaturo niro, niro,
E 'a mamma 'o chiamma giro:
Sissignore, 'o chiamma giro!

Séh! Vira e vota, séh! séh! vota e gira, séh!

Ca tu 'o chiamme ciccio o 'ntuono, ca tu 'o chiamme peppe, o giro,
Chillo, ‘o fatto, è niro niro, niro niro comm'a che!

'O contano 'e ccummare chist'affare:
"Sti fatte nun só' rare,
Se ne contano a migliare!

'E vvote basta sulo ‘na guardata,
E 'a femmena è restata,
Sott''a botta, 'mpressiunata..."

Séh! ‘na guardata, séh! Séh! ‘na 'mpressione, séh!

Va' truvanno mo chi è stato, c’’a cugliuto buono 'o tiro:
Chillo, 'o fatto, è niro niro, niro niro comm'a che! …

Séh! ‘na guardata, séh! Séh! ‘na 'mpressione, séh!

Va' truvanno mo chi è stato, c’’a cugliuto buono 'o tiro:
Chillo, 'o fatto, è niro niro, niro niro comm'a che!

Ha ditto 'o parulano: "embè parlammo:
Pecché, si raggiunammo,
Chistu fatto ce 'o spiegammo!

Addó' pastíne 'o ggrano, 'o ggrano cresce:
Riesce o nun riesce,
Sempe è ggrano chello ch'esce!"

Mé'! Dillo a mamma, mé'! mé'! dillo pure a me!

Ca tu 'o chiamme ciccio o 'ntuono, ca tu 'o chiamme peppe o giro,
Chillo...'o ninno è niro niro, niro niro comm'a che!

Ca tu 'o chiamme ciccio o 'ntuono, ca tu 'o chiamme peppe o giro,
Chillo...'o ninno è niro niro, niro niro comm'a che!