Sunnechünig

är holt toti zrügg i ds läbe
är schickt läbigi i tod
är macht us fische vögu
us chüeh & schaf & söi macht är brot
är schpautet chärne, wo so chly sy, dass se niemer gseht
es blybt ke platz mehr frei näb ihm
& was är cha, hey mähn, das macht är o

schlaf chindli, schlaf
's isch nume dys bett wo brönnt

är luegt dür muure, dür bschlossni türe
är luegt i d' mönsche, i pflanze & i tier
es blybt ihm nüt verborge
är bringt liecht i di schwarzi nacht
är het uf jedi grossi frag e chlyni antwort
är het es mass für jedes ding
aber e blinde gseht sech säuber nid

dr sunnechünig regiert d' ärde
& richtet sich im luftschloss y
är gseht sech gross & grösser wärde
isch in wahrheit aber ging no huerechly