'a neve e 'o sole

scenne lenta e se ferma 'ncopp'a ll'acqua

e cagna sta terra

comm'aucielle 'e natale 'ncopp'o mare

fino a dint'a chesta canzone

E 'a neve, sta neve
ce pazzeano 'e criature dint'a via
e 'a gente s'e guarda
fino a che ce sta 'o tiempo p'e guardà
ce sta speranza sott'a stu cielo
Ma po' chi è fatto 'e mare
aspetta sempre ca turna 'o sole
e s'astregne 'mpietto fino a maggio

pe se fa anema e coraggio
E 'a neve, sta neve
dice ca sott'a neve cresce 'o pane
ma 'o pane d'o munno
ce vò tiempo e pacienza p'o truvà
te può fra male a 'e mmane a scavà
Ma po' chi è fatto 'e mare
aspetta sempre ca turna 'o sole
e s'astregne 'mpietto fino a maggio
pe se fa anema e coraggio