Age van der velde

Wat bin 'k trots dak 'n grunneger bin

Age van der velde

Grunnen mien stad, mien lust, mien leven
Zunder die is t leven zo graauw
Grunnen de stad, woar 'k bin geboren
Ik kin die nait missen, 'k blief die traauw

Om die tou de schiere dorpen
Van Knoal tot Lauwersoog
En dien trots, zai ik al op afstand
"De Olle Grieze" rist fier omhoog

Of en tou komt oet dien toren
Dij zuvere klank van t klokkenspel
Din kiek ik omhoog noar de "Martini"
t Bezorgt mie houdervel

't Goldkantoor en Akkedemie
Korenbeurs, 't Provinciehoes
't Binnen de schatten nog oet 't verleden
En nait te vergeten 't ol-Stadhoes

Groot Maart en Gline Riepe
Herestroat en 't Zuderdaip
't Kolle Gat, 't is nait te tellen
Hou voak ik doar al deurhen laip

Grunnen mien stad, mien lust mien leven
'k Bin zo gelukkeg dak die kin
Grunnen de stad, woar ik bin geboren
Wat bin k trots, dak o Grunneger bin

Encontrou algum erro na letra? Por favor envie uma correção clicando aqui!