Dat wood alles für uns jemaat

Dat wood alles, dat wood alles
Dat wood alles für uns jemaat
Dat wood alles, dat wood alles
Dat wood alles für uns jemaat

Jede Berg, jedes Tal
Dä Schakal un dä Wal
Jede Baum, jede Strand
Jede Fluß un jedes Land
Och dä Delphin drusse em Meer
Am Himmelszelt "Dä jroße Bär"
Jede Spatz un jede Katz
Ne jode Wing un d'r Sonnesching

Dat wood alles, dat wood alles
Dat wood alles für uns jemaat
Hammer dodraan schon je ens jedaach
Dat wood alles für uns jemaat

Für die Junge un die Ahle
Für uns un och für üch
Für die Decke un die Schmale
Für jede Minsch, für dich un mich

Dat wood alles, dat wood alles,,,,,,

Jede Daach, jede Naach
Och d'r Mond, dä am Himmel waach
Alles wat es he op d'r Welt
Jede Blom op dem Feld
Alles wat klemmp, alles wat springk
Alles wat still es, alles wat singk
Mer nemme alles su einfach hin
Als wör et uns, un mir bränge noch öm

Dat wood alles...........

Für die Jode
un die Schläächte
Für uns un och für üch
Für die Häre un die Knäächte
Für jede Minsch, für dich un mich

Dat wood alles…….

De Luff met allem wat flüch
Un et Wasser met all dänne Fesch
Alles wat krabbelt, krüvv un stich
De janze Ääd für dich un mich

Dat wood alles………