Cànan nan gàidheal

Cha b'e sneachda 's an reóthadh bho thuath
Cha b'e `n crannadh geur fuar bho `n ear
Cha b'e `n t-uisge 's a'ghaillionn bho `n iar
Ach an galair a bhlian bho `n deas
Blàth, duilleach, stoc, agus freumh
Cànan mo threubh 's mo shluaidh

Thig thugainn, thig cò'ruim gu siar
Gus an cluinn sinn ann cánan nam Féinn
Thig thugainn, thig cò'ruím gu siar
Gus an cluinn sinn ann cànan nan Gáidheal

Nuair chithear fear-féilidh'sa ghleann
Bu chinnteach gur Gáidhlig a' chainnt
Nuair a spion iad a threumh as an fhonn
`N àite Gàldhlig tha cánan a ghoill
`S a Ghaidhealtachd creadhal-nan-sonn
`S tir mhajors is cholonels `n diugh innt'

Thoir a nuas dhuinn na coinnleirean òr
'S annt caraibh na coinnlean geal cèir
Lasaibh suas iad an seòmair a'bhròin
Tigh-aire seann chànan a' Ghàidheil
'Se siud o chionn fhad' thuirt an námh
Ach fhathast tha beò cànan a' Gàidheal

Ged theich i le beath' às na glinn
Ged na cluinnear a-nis muigh i's an Dùn
O Dhùthaich MhicAoidh, fada tuath
Gu an ruig thu Druim-Uachdar nam bò
Gidheadh, anns na n-Eileanan Siar
'Si fhathast ann ciad chàinnt an t'sloigh