Força de cretcheu

Ca tem nada nes bida más grande qui amor
Si Deus catem midida, amor inda ê maior
Maior qui mar qui céu
Ma d'entre tudo cretcheu, di meu inda ê maior
Cretcheu más sabi, ê quêl quê di meu
El ê quê tchábi qui t'abrim nha céu
Cretcheu más sabi, ê quêl qui'm crê
Ah s'm pêrdel mort dja bem
Óh força di cretcheu abrim nha asa em flôr
Dixam alcançá céu
Pám ba odjá nos senhor
Pam ba pidil simente d'amor
Cuma es di meu, pam bem dá tudo djenti
Pa tudo bem conchê céu