À l'altru mondu

À l'altru mondu
U tempu hè longu
Ci stà l'eternità
È m'hà pigliatu à tempu natu
Di mè, chì n'hà da fà?
O cara mamma, u paradisu
hè grande cume tè
È sè ti chjamu à l'impruvisu
S'arricummanda à mè
Santa Marìa a to sumiglia
Ùn u mi lascia più
È mi cuntentu è mi ramentu
Cume s'ell'era tù

Ti mandu un fiore, u so culore
U sceglierai tù
Hè ind'u pratu di u Muratu
Ch'ellu face u più
Sè fussi eiu frà i più belli
U cuglierebbi à tè
Ma stocu in celu
È i to capelli sò luntanu da mè
Ma i t'allisciu cù Ghjesù Cristu
Chì sà quale tù sì
È mi cuntentu è mi ramentu
È megliu ùn possu dì

Ùn piglià dolu, u to figliolu cù l'ànghjuli stà bè
È ciò chè vogliu, u mio custodiu a sà prima cà mè
Quì l'aria fine cume puntine cosge senza piantà
Ore tranquille, à mille à mille, senza calamità
À l'altru mondu, canta un culombu è paura ùn hà
Per cacciadore ci hè u Signore, O mà ùn ti ne fà!